43
Kwac me loyo kop kede me larre
1Pid Pira, Ama Obaŋa,
dok imia alo kop i nyim rok ame mom ŋei;
lara i ciŋ jo areco ameogoba,
2Pien yin ibedo Obaŋa ame rik alaro baŋe,
piŋo kara omio ibola oko?
Piŋo an abedo wot ame akumo, akuma,
pien okworra bedo wuna?
3Cwal ba doŋ leroni kede atenini,
me gin obin onyutta yo,
me okela i wi kidina acil,
kede i kan ame yin ibedo iye,
4Mannono bino miyo awoto i wi keno lam Obaŋa,
baŋ Obaŋa ame en gin ayomoro cunya meicel
ate bino paki kun agoo naŋa opuk, Ama Obaŋa, Obaŋana.
5Piŋo kara itye ka kumo, yin ti pona,
piŋo kara itye ka cur, i koma?
Gen Obaŋa, pien pwod dok abino medde pake,
en akonya dok Obaŋana.
All rights reserved - The Bible Society of Uganda