140
Kwac me gwoko dano i ciŋ jo ame mito lweny kede
Baŋ adwoŋ wer: Man wer ame Daudi owero.
1Lara i ciŋ jo areco, Ama Rwot,
gwoka daŋ i ciŋ jo ame timo tim me byemi.
2Ame yiko koppogo areco i cunygi,
dok omaro ero lweny tere i tere.
3140.3: Rom. 3.13Kop ame ya i doggi kec calo kwir a twol,
kwir codocodo tye i te lebgi.
4Gwoka, Ama Rwot, gwoka i ciŋ otim tim areco,
gwoka daŋ i ciŋ jo ame timo tim me byemi,
gin doŋ otyeko yiko kop meretta.
5Jo awakere otyeko ciko owicgi kan adin pira,
ociko owic kede tol kun omito maka kede,
ociko owic i ŋet yo ducu ame kura akura.
6Akobo baŋ Rwot ni, “Yin ibedo Obaŋana”;
cik yiti iwiny kwacca ame abako kede doga baŋi, Ama Rwot.
7Ama Rwot, ame obedo Rwotta,
ka larrena atek ame an ageno,
yin ibedo tok me wumo wia i kare me lweny,
8Ama Rwot, kur imi jo areco gin ame gin omito
pe iye yikgi areco cobere.
9Kur imi jo ame lwenyo i koma loa mi kopgi areco ame gin onwoŋo,
omito timo, dok i komgi.
10Mi loti mac alyet ocorre i komgi, owaŋgi!
migi orette i bur atut meicel, ame mom dok oromo yaa.
11Mi jo ame kobo kop me balo nyiŋ owotegi,
bed pe i lobo mi can ru neko jo a kitegi reco oko oyotoyot.
12Aŋeo ni Rwot pido pi jo ame ocan,
dok ŋolo kop kakare pi jo a piny oloo.
13Ateteni, jo ame kitegi atira bino pwoyi,
jo ame cunygi ler, bino bedo i nyimi.