127
Wer me pako Obaŋa pi berrere
Man wer me yito malo ame Culeman owero
1Ka ce Rwot mom en ogero ot,
jo ame gero lolle nono,
Ka ce Rwot mom ogwoko paco,
akur paco-nono bedo ame waŋe okwekere akweka aboŋo nino nono.
2Kadi idil wunu ibai me wot itic,
kadi idok wunu paco me wot weo mot meicel,
kun icamo wunu cemwu ame cunywu tye i kom ticwu,
mannono luŋ nono, mom romo konyowu kadi acel,
pien Rwot mio baŋ jo ame en maro i kare ame nwoŋo gin onino oko.
3Nen ba, otino obedo mot ame yaa i baŋ Rwot,
gin obedo nyig koti ame yaa i yic.
4Itino ame lo moro onywalo kun en pwod awobi,
calo atera ame tye i ciŋ lo ame lwenyo.
5Ŋat ame cao atero mere opoŋ i kodi atero-nono,
tye kede yomcuny,
dano-nono lewic mom bino mako kadi acel,
i kare ame en tye ka lok okworrere i dogcel.
All rights reserved - The Bible Society of Uganda