123
Kwayo kica
Man wer me yito malo
1Atiŋo waŋa malo baŋi, Ama Rwot,
yin ame ibedo i wi kom me locci malo i polo.
2Nen ba, kite acalo omiro neno adwoŋgi,
dok kite acalo aŋeca neno kede dako ame loo ot, ame en bedo baŋe,
wan daŋ oneno baŋ Rwot Obaŋawa,
tuno ka kica omake i komwa.
3Kica myero maki i komwa,
Ama Rwot, kica myero maki i komwa,
pien doŋ ocaowa okato kare.
4Tipo me kwowa doŋ ool oko pi kare alac meicel,
pi aŋale a jo ame tye i kwo aber,
pi acae a jo ame wakere.
All rights reserved - The Bible Society of Uganda