118
Pak me pwoyo Rwot pi loyo lweny
1118.1: 1 Tek. 16.34; 2 Tek. 5.13; 7.3; Eji. 3.11; Jab. 100.5; 106.1; 107.1; 136.1; Jer. 33.11Pwo wunu Rwot, pien en ber,
marrere a mom lokere perakino nakanaka!
2Jo Icrael myero kob ni,
“Marrere a mom lokere perakino nakanaka.”
3Jo me ot Eron myero kob ni,
“Marrere a mom lokere perakino nakanaka.”
4Jo ame lworo Rwot myero kob ni,
“Marrere a mom lokere perakino nakanaka,”
5I kare ame atye i can akok baŋ Rwot;
Rwot ogamo kwacca te gonya oko,
6118.6: Eb. 13.6Rwot en akony mera, mom abino lworo ginnoro,
ŋo kara ame dano twero tima kede?
7Rwot gire tye i ŋeta me konya;
abino neno jo ame daga i waŋ me loc,
8Laro baŋ Rwot, ber gire,
kato geŋo dano,
9Laro baŋ Rwot, ber gire,
kato geŋo rwode.
10Rok luŋ onwoŋo ogura oko dyere,
ento amio nyiŋgi orwenyo oko i wi lobo i nyiŋ Rwot.
11Gin onwoŋo ogura oko dyere,
gin onwoŋo ogura oko dyere, tuŋŋi kede tuŋŋi;
amio nyiŋgi orwenyo oko luŋ wi lobo, i nyiŋ Rwot.
12Onwoŋo ogura dyere calo kic,
obino i koma oyotoyot calo mac ame awaŋo tim,
ento amio nyiŋgi luŋ orwenyo oko i wi lobo i nyiŋ Rwot.
13Onwoŋo ocorra meicel ame doŋ aceggi rette piny,
cite Rwot te konya oko,
14118.14: Yaa 15.2; Ica. 12.2Rwot en ame mia teko,
dok en tye acalo werra ame awero,
en doŋ odoko ŋat ame lara.
15Koŋ iwinyo wer me yomcuny ame owero pi loc,
ame jo tye awero i kema a jo a kitegi atira,
kun owero ni, “Ciŋ Rwot me tuŋ cem lwenyo atek meicel,
16twer me ciŋe-nono omiowa olo lweny,
ciŋ Rwot me tuŋ cem lwenyo atek meicel!”
17Mom gire abino to, ento abino, bedo kwo,
kun abedo tito gin ame Rwot otimo.
18Rwot doŋ otyeko pwoda arac meicel,
cite mom gire oneka,
19Otimo mannono me wek eyabba doggola me kite atira,
me adony iye ate wot pwoye.
20Mannono en dogcel ame donyo baŋ Rwot,
jo ame kitegi atira bino beo iye.
21Apwoi, pien yin doŋ igamo kwacca,
doŋ ityeko doko ŋat ame lara.
22118.22: Luk. 20.17; Tic 4.11; 1 Pet. 2.7118.22-23: Mat. 21.42; Mar. 12.10-11Kidi ame ogedo okwero,
en ame odoko kidi adwoŋ me gwic ot,
23Man en tic a Rwot,
eno gin me awura baŋwa.
24Man en nino ame Rwot omiowa,
myero okwer wunu nino man yomcuny adwoŋ meicel.
25118.25: Mat. 21.9; Mar. 11.9; Lak. 12.13Ama Rwot, tim ber ilarwa!
tim ber imi ticwa luŋ cobere kakare!
26118.26: Mat. 21.9; 23.39; Mar. 11.9; Luk. 13.35; 19.38; Lak. 12.13Pwo wunu ŋat ame bino i nyiŋ Rwot!
Wan olamo winyo i komi i ot a Rwot.
27Rwot en Obaŋa,
en doŋ otyeko miyowa ceŋ.
Dorre wunu i tyen kun imako wunu jaŋ yat i ciŋwu,
wot iman wunu i keno me lam,
28An abino pwoyi, pien yin ibedo Obaŋana,
abino dworo nyiŋi, yin Obaŋana.
29Pwo wunu Rwot,
pien en ber marrere a mom lokere perakino nakanaka.