16
Yecu ocer
(Neŋ daŋ Matayo 28.1-10; Luka 24.1-12; Lakana 20.1-10)
1Ame cabit Ojudaya doŋ otum, Maliam me Magdala kede Maliam tota a Yako bo kede Calume owilo gin a ŋwece kur me wot wire kede. 2Odiko con meicel i ni no ame lubo cabit, gin owoto i wi lyel, ame ceŋ doŋ odonyo oko. 3Ote penyere kengi ni, “Ŋa ce ame bino corriwa kidi oko i dog lyel?” 4Ka gin otiŋo waŋgi, oneno kidi doŋ ocoro oko, pien onwoŋo dwoŋ meicel. 5Ka gin odonyo i Iyel, ote neno awobi obedo i tuŋ cem, oruko boŋo atar; gin owuro atek. 6En te kobbigi ni, “Kur iwur wunu awura; iyenyo wunu Yecu me Najaret ame oguro i kom yataria. En doŋ ocer oko, mom tye kan; nen wunu kan ame yam opyele iye ene. 716.7: Mat. 26.32; Mar. 14.28Ento wot ikobbi wunu jo mere a lube, kede Petero, ni en otelliwu yo me wot i Galilaya; ibino nene wunu kuno, kite a yam otittiwu.” 8Gin te donnyo oko i Iyel, ote mako ŋwec, pien myelkom kede lworo adwoŋ doŋ ocirogi oko; naka daŋ mom ote kobbi ŋattoro kopporo, pien olworo.
Yecu onen baŋ Maliam me Magdala
(Neŋ daŋ Lakana 20.11-18)
[9Ame en doŋ ocer i nino ame lubo cabit, okwoŋo nen baŋ Maliam me Magdala, a nwaŋ eryemo cen abiro i kome. 10Daŋ en te tero koppere baŋ jo a yam bedo kede Yecu; onwoŋo gin tye akwero cola kun okoko. 11Gin ka owinyo ni en tye kwo, dok ni Maliam onene, mom oye.
Yecu onen baŋ jo aryo a lube
(Luka 24.13-35)
12Icennere te dok nen i kite apat baŋ jo aryo I akinagi, ame anwoŋo gin awot i akina pacci. 13Jo-nono daŋ owoŋo, otito baŋ jo odoŋ, gin mom ote ye gigi kopgi.
Yecu ociko jo mere apar wie acel
(Neŋ daŋ Matayo 28.16-20; Luka 24.36-49; Lakana 20.19-23)
14Icennere te nen baŋ jo-nu apar wie acel ame gin tye i dog cem. En te da kedgi pien mom oye, kede pi nwaŋcunygi, pien okwero ye kop a jo ame onene a doŋ en ocer. 1516.15: Tic 1.8En te kobbigi ni, “Wot wunu i wi podo luŋ, kun irabo wunu amut aber baŋ gin ame oketo ducu. 16Dano ame oye, te batija, en bino larre; dano a mom oye, kop bino loye. 17Gin a nyuto acalo magi bino nen baŋ jo a ye: gin bino ryemo cen kede nyiŋa, obino kop kede leb anyen, 18obino mako twol; ka gin bino mato gin a neko dano, pe bino timogi rac; gin bino keto ciŋgi i kom otwo, te caŋ oko.”
Yecu oyito i polo
(Luka 24.50-53)
1916.19: Tic 1.9-11A doŋ Rwot Yecu otyeko kop kedgi, otere malo i polo, eka en te bedo piny i kabedo me kwogo i laŋet Obaŋa tuŋ cem. 20Jo-nu te ya me wot rabo kop i kabedo luŋ, kun Rwot bedo tic karacel kedgi, dok moko kop ame gin orabo kede ticcogo me awura ame timere.]