53
153.1: Lak. 12.38; Rom. 10.16“Ŋa, ŋa oye, kop man ame wan otito?
Dok ŋa ame bad Rwot onyutte baŋe?
Pien en odoŋo i nyime calo ginapita ame pwod adoŋo adoŋa,
ame pwod aryeyo lwite aryea i lobo otwo.
2En yam mom tye kede kommoro aber onyo kwogo,
ame kono miwa ocik waŋwa i kome,
ginnoro ame wao tam a dano onwoŋo mom tye baŋe kadi acel
mom tye ginnoro ame twero miyowa obedo i tam i kome.
3Jo ocae te kwere-gu oko,
obedo kede cwercuny adwoŋ kede twon rem okato kare.
En obedo calo dano ame jo owumo waŋgi oko i kome,
Jo ocae, kun mom oparo pire kadi acel.
453.4: Mat. 8.17Ateteni, en okanyo can pirwa, oyeo remwa;
cite wan obedo tamo ni Obaŋa en oketo can i kome,
ogoe dok ote time cucu.
553.5: 1 Pet. 2.24Ento rik ocobo pi balwa,
owane pi timwa areco;
can ame oketo i kome okelliwa kuc,
pi go ye omio wan ocaŋ.
653.6: 1 Pet. 2.25Wan luŋ onwoŋo orwenyo oko calo rommi,
Ŋat acel acel onwoŋo okwanyo yo mere kene,
ento Rwot doŋ oketo balwa luŋ i kome.
753.7: Nyut 5.653.7-8: Tic 8.32-33Rik owune, oketo can i kome,
cite en gire mom oŋamo doge;
acalo romo ame otero me aneka,
dok acalo romo a liŋ i nyim onyar yerrere,
kittono en mom oŋamo gire doge.
8Owune, oŋolle kop, ote kwanye oko
Ŋa kara oparo pi gin otimere i kome,
ni okwanye oko i lobo a jo akwo, ogoe pi bal a rokwa?
953.9: 1 Pet. 2.22Oyiko lyellere karacel kede me otim tim areco,
karacel kede alonyo i kare me to mere,
kadi bed balloro onwoŋo mom a en otimo,
lebe daŋ mom okobo goba.”
10Rwot gire a rik omito ni myero waŋe,
en gire omio en obedo kede rem.
I kare ame en bino miye iye kene acalo mot me bal,
en bino neno ikwae,
en bino medo kare me kwo mere.
En bino Cobo gin a Rwot oyiko;
11en bino neno gin aber oya i cwercuny ame ebeo iye,
mannono bino kweyo cunye.
Pi ŋeccere, amirona ame kite atira,
bino miyo okwano jo apol ni kitegi atira,
en bino yeyo balgi.
1253.12: Mar. 15.28; Luk. 22.37Mannono bino miyo amie kabedo me woro i akina jo adoŋo,
obino poko jami ayaka karacel i jo atek i lweny,
pien en ojalo kwo mere i to,
dok okwane karacel obalo;
ento en oyeo bal a jo apol meicel,
dok okwao Obaŋa pi obalo.