40
Amut aber pi Cion
1Kwe wunu cuny jona, kwe wunu cunygi!
Man kop ame Obaŋawu okobo.
2Cukoro wunu cuny jo me Jerucalem,
kobbigi wunu ni, “Karegi me bedo opii doŋ otum oko,
otyeko doŋ timogi kica i kom balgi luŋ.
Can ame Rwot oketo i komgi doŋ bup,
romo doŋ bal ame gin otimo tyen aryo twal.
340.3: Mat. 3.3; Mar. 1.3; Lak. 1.2340.3-5: Luk. 3.4-6Dwonnoro awinyere ame aredo ni,
‘Ger wunu yo pi Rwot,
yik wunu gudo i tim pi Obaŋawa,
yik wunu cuŋ atira i tim otal.
4Luŋ ducu obino toro oko,
kidi kede tur obino dwoko oko piny,
kan ame ogonne obino miyo cuŋ atira,
yo ame obedo popony obino piro oko.
5Kwogo a Rwot bino nen kannaler,
jo luŋ bino neno karacel,
pien Rwot ikome doŋ otyeko kobo.’ ”
640.6-8: Yak. 1.10-11; 1 Pet. 1.24-25Dwonnoro tye akobo ni, “Redi!”
An ate gamo ni, “Kara ared niŋo ba?”
Ginnoro luŋ a tye kede kom calo lum,
kwogo mere luŋ rom i tur lum me tim.
7Lum ner, ture te ony oko; ka weo a Rwot okuto iye,
ateni, dano gire calo lum.
8Lum ner, ture te ony oko;
cite kop a Rwot okobo bedo nakanaka.
9Yin Cion ame ikelo amut aber,
yit ba i wi kidi malo,
Yin Jerucalem ame irabo amut aber,
med ba dwoni malo,
med dwoni malo, kur ilwor.
Kobbi jo ame bedo i boma me Juda ni,
“Nen wunu ba Obaŋawu!”
1040.10: Ica. 62.11; Nyut 22.12Nen wunu Rwot Obaŋawu tye abino kede teko,
bade en ame loo loc pire;
nen, mottere daŋ tye gire baŋe,
jo ame olwenyo pirgi tye i nyime.
1140.11: Ejek. 34.15; Lak. 10.11En bino kwayo rommi mere calo akwat,
bino coko itino rommi mere i bade,
en bino tiŋogi i kore,
te peyo rommi ame dot momot.
Mom tye ginnoro ame oromo poro Obaga a jo Icrael
12Ŋa ame yam koŋ opimo pii cuny ciŋe,
dok ame opimo polo kede ciŋe?
Ŋa ocoko kwoyo me lobo iyi gi-pimo jami,
onyo ame yam opimo kiddi mijan,
kede kan obedo tutur i ratili?
1340.13: Rom. 11.34; 1 Kor. 2.16Ŋa ame yam koŋ obedo telo cuny a Rwot,
onyo ame yam koŋ obedo miye tam acalo apwonnyere?
14Ŋa ame Rwot yam koŋ openyo tam i baŋe,
onyo ame opwonye i ŋolo kop atira?
Ŋa ame yam koŋ opwonye me medo ŋeccere,
onyo ame onyutte yore me bedo i niaŋ atut?
15Nen ba, rok luŋ rom i pii oton icel iyi gulu,
dok okwanogi acalo apua ame tye i mijan;
nen, en tiŋo cula daŋ calo ginnoro atitidi.
16Yen luŋ ame tye i buŋ me Lebaŋon,
mom romo waŋo mot awaŋa;
leyi iye daŋ nok, mom romo yalo Obaŋa.
17Rok luŋ mom ginnoro gire i nyime,
gin luŋ mom obedo ginnoro kadi acel i tuŋ baŋe,
1840.18-19: Tic 17.29Kara doŋ atwero poro Obaŋa kede ŋo ba,
onyo atwero poro callere kede ŋo?
19Cal jok ame otwako atwaka, atet romo twako,
ati jabu te mwono kome oko kede jabu,
romo tiyo daŋ nyorrere kede ryal.
20Ŋat ame can orido yero yat atek a mom top,
yenyo apac ame adiro, me paye cal apaa,
ame mom dok romo kwanyere i kan oketo iye.
21Mom iŋeo wunu bo? Yam mom ru iwinyo wunu?
Yam mom okobbiwu pire con bo?
Mom ru iniaŋ wunu cakere i ageyi keto lobo?
22Ŋat ame bedo i wi kommere malo en ame oketo,
en bedo malo meicel i ŋe pol,
jo ame bedo piny i lobo nen atitino calo kalalaŋ.
En ryeo polo caloboŋo icika,
dok yaro daŋ calo kema me bedo iye,
23En mio oloc doko jo a konygi pe,
rwode luŋ me lobo en dwoko piny iraba.
24Gin kom calo ginapita ame pwod opito apita,
ame pwod ocoo acoa kun pwod oryeo lwitgi aryea i lobo,
ame ka Rwot ocwao yamo i komgi, oner oko;
ka ce yamo ajuru ocorogi, kologi calo cuŋ kal.
25Kara doŋ ibino pora wunu kede ŋo ba,
ame an atwero bedo rom kede?
Man peny ame Ŋat Acil openyo.
26Tiŋ waŋwu malo me inen wunu;
ŋa kara oketo jami magi?
Ŋat ame kelogi oko calo mony, dok ŋeo welgi luŋ,
dok daŋ lwoŋogi kede nyiŋgi,
tekomere dwoŋ meicel;
mannono omio mom tye moro i akinagi ame rwenyo.
27Piŋo kara itye ka koko, yin Yakobo?
Piŋo kara itye ka kobo ni Rwot mom neni, yin Icrael,
kun ikobo ni Obaŋa mom tye ka paro piri?
28Mom iŋeo wunu?
Yam mom ru iwinyo wunu?
Rwot en Obaŋa ame bedo nakanaka,
en gire oketo wi podo luŋ,
En mom ol, mom daŋ doko agoro,
Ŋeccere tut a mom twerre ame tato tere mom yot.
29En mio teko baŋ jo agoro,
dok daŋ medo teko baŋ ŋat ame tekomere odok piny,
30Anaka awobe daŋ doko goro,
otwero daŋ ol ame oromo rette piny;
31ento jo ame kuro Rwot,
tekogi bino dwogo cen i komgi.
Gin bino twarre malo i bwomgi calo cur,
obino riŋo kun mom ool,
obino wot nakanaka kun mom odoko jo agoro.