11
Akwar Yee bino Joyo loc i kite atira
111.1: Nyut 5.5; 22.16Atin yat anyen bino tuco kom iciki a Yece,
jaŋe bino tuco i lwite.
2Cuny a Rwot bino bedo i kome,
cuny me ryeko kede me niaŋ,
cuny me poro kop kede me teko
cuny me ŋec kede me lworo Rwot,
3cunye bino bedo yom i lworo Rwot.
En mom bino ŋolo kop pi gin ame en oneno kede waŋe,
akadi ŋolo kop pi kop ame en owinyo i yite,
411.4: 2 Tec. 2.8cite en bino ŋolo kop ocan atira,
dok bino ŋolo kop atira baŋ jo a mwol me lobo;
en bino jwero lobo i lut me doge,
jo areco en bino neko daŋ oko awura me doge.
511.5: Ep. 6.14Alid me tweyo pyere bino bedo kite atira,
aco alid me tweyo yie bino bedo kite ame genne.
611.6-9: Ica. 65.25Epet bino nywako kabedo atin romo,
kwac bino nywako kabuto kede atin dyel,
roa kede eŋatu bino doŋo karacel,
atin atidi en ame bino telogi.
7Dyaŋ kede ŋuu ager meicel bino cem karacel,
itinogi daŋ bino wuro karacel;
obino pito eŋatu paco calo twon.
8Atin adot bino tuko i dog ot a codocodo,
atin a pwod oryemo aryema i cak,
bino rwako ciŋe i ot ororo.
911.9: Abak. 2.14I wi kidina acil me Cion,
timoro arac me nek onyo me awano mom bino nen iye,
jo me lobo mere luŋ bino bedo jo ame ŋeo Rwot.
Jo odoŋ bino dwogo cen kede kwogo
1011.10: Rom. 15.12I nino-nono akwar Yece bino cuŋ calo bendera ame rok apol twero neno, orok luŋ bino penyo tam i baŋe, kan ame en bedo iye bino bedo me kwogo.
11I nino-nono Rwot bino medo ryeyo ciŋe tyen me aryo me kwanyo jo mere ame odoŋ iyi Acuria, i Miciri, i Patroc, i Eciopia, i Elim, i Cinar, i Kamat kede i dog nam.
12En bino tiŋo bendera malo pi orok,
te coko jo Icrael ame oryemo;
bino rayo jo Juda ame onwoŋo okeketa atata,
i twok piny aŋwen luŋ,
13Nyeko Epraim bino gik oko,
jo a wuno Juda obino miyo waŋgi rwenyo oko;
Epraim mom bino bedo kede nyeko i kom Juda
Juda daŋ mom bino bedo wuno Epraim.
14Gin bino mwomere i kor kidi a jo Piriciti tuŋ to,
eka ote ribere karacel me yako jo i tutuŋ kide,
Gin bino lweny i kom jo Edom kede Moab,
aco jo Ammon bino bedo ite locgi.
1511.15: Nyut 16.12Rwot bino miyo pii i jaŋ nam me
Miciri dwono oko iweŋ,
bino yeŋo ciŋe i wi kulo Eufrate,
te miyo poko yi kulo i dul abiro,
jo te ŋolo yie kun ginnoro mom dyako amukgi.
16Yo gudo ame ya Acuria bino bedo tye,
pi jo mere ame odoŋ,
kite a rik otimere kede pi jo Icrael,
i kare ame gin ya i lobo Miciri.