1
Dako a mom genne
11.1: 2 Obak. 14.23–15.7; 15.32–16.20; 18.1–20.21; 2 Tek. 26.1–27.8; 28.1–32.33Kop a Rwot ame rik obino baŋ Kocea wot a Beeri, i kare obakki Ujjia, Yotam, Akaj kede Kejekia, ame gin onwoŋo obedo obakki me Juda, kede i kare abaka Jeroboam wot a Yoaci ame onwoŋo obedo abaka me Icrael.
2Kare ame Rwot ogeo kop baŋ Kocea, Rwot okobbi Kocea ni, “Wot i nyom nyako ame alaya me inwoŋ itino ame onywalo i tim me alaya, pien lobo odoko twon alaya pi kwero lubo Rwot” 3Kocea te wot nyomo Gomer nyaka Didaim, eka te yac, te nywalo atin awobi.
41.4: 2 Obak. 10.11Rwot te kobbi Kocea ni, “Cak nyiŋe ni Jejreel, pien odoŋ kare anonok, abino keto can i kom ot a Yeko pi remo a Jejreel, dok abino miyo loc me ot Icrael gik oko. 5Dok daŋ i nino-nono abino turo akud atero Icrael oko i luŋ me Jejreel.”
6Gomer dok te yac, te nywalo atin nyako, Rwot te kobbi Kocea ni, “Cak nyiŋe Lo-rukama1.6 Lo-rukama te koppera: Mom otime kica. pien mom dok abino medde timo kica i ot Icrael, mom abino weko balgi kadi acel. 7Cite abino timo kica i ot a Juda, abino larogi pi tek a Rwot Obaŋagi; mom abino larogi kede akud atero, kadi i pala romo, onyo i mony, onyo kede aguragura, kadi wegi aguragura.”
8Kare ame Gomer doŋ oryemo atin oko i cak, dok te yac, te nywalo awobi.
9Rwot te kobo ni, “Cak nyiŋe ni Lo-ammi1.9 Lo-ammi te koppera: Mom jona gira. , pien wun mom ibedo wunu jona, dok an daŋ mom abedo Obaŋawu.”
101.10: Rom. 9.26Cite wel a jo Icrael bino bedo acalli kwoyo me dog nam, ame mom pimere, dok a mom romo akwana; dok daŋ i kabedo ame rik okobbigi iye ni “Wun mom i jona wunu,” obino kobbigi iye ni, “Itino Obaŋa akwo.” 11Jo me Juda kede jo me Icrael bino cokere karacel, ote keto ŋat acel ame telo wigi, eka gm te ya oko i lobo-nono, pien nino a Jejreel bino bedo nino adwoŋ meicel.