11
Iyee
1Iyee en ame moko gin ame ogeno, en gin a niaŋowa aber ni, jami a mom oneno komgi kara tye gigi. 2Pire omio jo acon, Obaŋa opwoogi.
311.3: Age. 1.1; Jab. 33.6, 9; Lak. 1.3Pi iyee wan oniaŋ ni, Obaŋa rik oketo wi podo luŋ kede koppere, ame omio gin ame nen otio i gin a mom nen.
411.4: Age. 4.3-10Pi iyee Abel omio mot aŋola me yalo Obaŋa aber akato mea Kain oko, ame omio opwoe ni kite atir, kun Obaŋa obedo cadennere i gamo mottere. En oto, ento pi iyee mere en pwod tye akop.
511.5: Age. 5.21-24 Pi iyee Enoka rik otero malo me kur bil to. Mom obin onwoŋe, pien Obaŋa otere oko. I kare a mom ru otere, omio caden i kome, ni oyomoro yi Obaŋa. 6Aboŋo iyee mom otwero yomoro yie, pien ŋattoro ame mito noko ceggi Obaŋa myero ye ni en tye, dok ni en mio mot baŋ jo a yenye.
711.7: Age. 6.13-22Pi iyee Nua daŋ, ka Obaŋa okwenyoro en pi gin a mom ru onen, owinyo doge, eka te payo yee pi laro jo me ode. Iyee mere-ni omio kop oloo lobo eka te nwoŋo kite atir ame bino pi iyee.
811.8: Age. 12.1-5Pi iyee Iburaim owinyo dog Obaŋa ka olwoŋe me wot i lobo i oko ame onwoŋo rik obino miye me bed mere. Oya oko i lobo mere kun pe ŋeo kan ame ewoto iye. 911.9: Age. 35.27Pi iyee en obedo acalo welo i lobo a rik Obaŋa ociko pire, kun bedo i kema gin Icaka kede Yakobo, ame gin daŋ omiogi cikere acellono. 10Pien en onwoŋo akuro boma ca ame acakki te gedo mere tye atek, en ame Obaŋa obedo ago-callere kede agedo mere.
1111.11: Age. 18.11-14; 21.2Pi iyee anaka Cara onwoŋo teko me yac, kadi bed kare me nywallere doŋ okato. Man otimere pien otamo ni, ŋat ociko-nono genne. 1211.12: Age. 15.5; 22.17; 32.12Man omio I kom ico acel a rik rom aroma i ŋat oto, oya iye lwak ikwae apol ata acalo acer me polo, kede acalo kwoyo me dog nam ame kwano loo jo.
1311.13: Age. 23.4; 1 Tek. 29.15; Jab. 39.12Jo-nu duco oto i kom iye, kun mom ru omiogi gin a nwaŋ ociko pire, ento kun oneno anena i kannabor, omoto i kuno, dok daŋ kun otuco ni gin obedo acalo orok onyo wele i wi lobo. 14Pien jo ame kobo kit enno nyuto kannaler ni otye oyenyo lobo me turgi. 15Kono rik gin obedo tamo pi lobo a rik gin oya iye ca, kono gin onwoŋo yo me dok cen iye. 16Ento gin gigi oparo loba aber akato maca oko, en pacogi ame i polo. En omio lewic gire mom mako Obaŋa ka ce olwoŋe ni Obaŋagi, pien en otyeko yikkigi boma.
1711.17: Age. 22.1-14Pi iyee Iburaim, ka rik oteme, mio Icaka acalo mot aŋola me yalo Obaŋa; ŋat ame Obaŋa ocikere baŋe oyikere me miyo wode acel iloŋ acalo gin ame oŋolo me yalo Obaŋa, 1811.18: Age. 21.12ame pire rik okobo ni, “Itino Icaka en ame obino cwano ni ikwaeni.” 19En onwoŋo otamo ni, Obaŋa tye kede twer me cero jo iyi akina jo oto; daŋ otwero kobo ni, Icaka odwogo i ciŋ Iburaim acalo oya i akina jo oto.
2011.20: Age. 27.27-29, 39-40Pi iyee Icaka olamo winyo i kom Yakobo gin kede Ecau pi kare me i nyim.
2111.21: Age. 47.31; 48.1-20Pi iyee Yakobo daŋ, ka doŋ mito to, olamo winyo i kom itino a Yucepu acel acel, kun okulo wie i wi abiro me komo mere, me woro Obaŋa.
2211.22: Age. 50.24-25; Yaa 13.19Pi iyee Yucepu, iyi agikki me kwo mere, okobo pi yaa a jo Icrael i Miciri, eka pi kite me yiko cogo kome.
2311.23: Yaa 2.2; 1.22Pi iyee, ka rik onywalo Muca, onywallere okane pi dwete adek kun mom olworo cik abaka, pien gin oneno ni atin ca ber atek. 2411.24: Yaa 2.10-12Pi iyee Muca, ka doŋ odoŋo, mom oye ni lwoŋe ni wot a nyaka a Parao, 25kun oyero neno can karacel i jo Obaŋa akaka bedo i yomcuny me bal ame ri pi kare anokkoro keken. 26Otamo ni ayet ame okanyo pi Kricito obedo lonyo adwoŋ kato lonyo luŋ i Miciri, pien onwoŋo ociko waŋe i kom mot ame i nyim.
27Pi iyee Muca oya oko i Miciri kun mom lworo akemo abaka; okanyo atek, acalo bala eneno Obaŋa a mom nen. 2811.28: Yaa 12.21-30Pi iyee daŋ en okwero ecuban me Kato, dok okiro remo, me wek anek otino kao kur gudgi.
2911.29: Yaa 14.21-31Pi iyee jo Icrael oŋolo Nam Arema acalo wi tela otwo; cite jo Miciri omwony oko ka gin daŋ otemo timo amanno. 3011.30: Yoc. 6.12-21Pi iyee omio apama cel me Jeriko orutte piny a doŋ jo Icrael omano pi nino abiro. 3111.31: Yoc. 2.1-21; 6.22-25Pi iyee Rakab ame alaya mom obin oto karacel i jo a mom obedo owiny, pien onwoŋo rik ojolo orotpiny kede kuc.
3211.32: Oŋol. 6.11–8.32; 4.6–5.31; 13.2–16.31; 11.1–12.7; 1 Cam. 16.1–1 Obak. 2.11; 1 Cam. 1.1–25.1Kara dok amedde kobo ŋo? Pien kare mom bino romma me tittiwu pi Gideon, Barak, Samcon, Jeputa, Daudi, Camwiri kede odwarpiny-gu, 3311.33: Dan. 6.1-27ame gin daŋ pi iyee rik olwenyo kede obakki me lobo apapat, oloogi, otio gin a tye atir, onwoŋo gin a yam Obaŋa ociko pire. Gin otweo dog eŋatogu, 3411.34: Dan. 3.1-30oneko mac ager oko, obwot i lak pala bat. Gorogi odoko tekkom, gin odoko jo atek i lweny, oryemo mony orok oko. 3511.35: 1 Obak. 17.17-24; 2 Obak. 4.25-37Mom onwoŋo jogi a rik oto a doŋ ocer oko. Jo ocele owunogi arac, ote to kun okwero oko ni kur gonygi, me gin ocer i kwo aber akato. 3611.36: 1 Obak. 22.26-27; 2 Tek. 18.25-26; Jer. 20.2; 37.15; 38.6Jo ocele oŋalogi, opwodogi, otweogi i jagere oketogi i buc. 3711.37: 2 Tek. 24.21Onapogi kede gweŋe, oŋuno yigi aryo kede ocumeno, onekogi i pala lweny. Gin oloŋo piny kun oruko ka pyene rommi, kede me dyegi, kun can ocirogi oko, jo owunogi dok otimogi cucu. 38Kodi jo-nono lobo pe romo bedo kedgi. Gin obedo wowota i tim, kede i wi kiddi, kun obedo i gorogoro kede i bure piny.
39Jo-ni ducu oŋeye aber pi iyeegi, ento gin mom obin onwoŋo gin a rik Obaŋa ociko pire, 40pien onwoŋo en oyiko ginnoro aber akato kun otamo pirwa, ni mano, gin pe myero odok jo ocwiny aboŋo wan.