1
Obaŋa okobo kedwa i Wode
1Rik con Obaŋa okobo kede kwariwa i dul kop apol kede i yore apapat, kun kobo i dog odwarpiny; 2ento i kare icen-ni en doŋ okobo kedwa i Wode. Jami luŋ ame tye Obaŋa rik otio pi twer a Wode, ame en oyiko ni myero bed won jami luŋ. 3En acara me kwogo Obaŋa, cal Obaŋa ikokome tye i kome, dok en daŋ ame tiŋo jami ducu ame tye kede teko me koppere, A doŋ en otyeko tic me lwoko bal, en obedo piny i kabedo me kwogo tuŋ cem i laŋet Won Kwogo Adwoŋ a tye malo i polo, 4kun en doŋ odoko adit meicel akato omalaika luŋ, a rom aroma i kite ame nyiŋ ame omie ber atek akato megi oko.
Wot Obaŋa dit kato omalaika luŋ
51.5: Jab. 2.7; 2 Cam. 7.14; 1 Tek. 17.13Obaŋa rik doŋ okobbi amalaika moro ni,
“Yin i Woda,
tin doŋ anywali?”
Onyo dok ni,
“An abino bedo pappere,
en bino bedo Woda?”
61.6: Lodo 32.43 Dok daŋ i kare ame en okelo atin kao i lobo en okobo ni,
“Omalaika Obaŋa luŋ aluŋa myero wore.”
71.7: Jab. 104.4 I kom omalaika, Obaŋa okobo ni,
“En loko omalaika mege doko yamo,
oticcere en loko doko leb mac,”
81.8-9: Jab. 45.6-7Ento i kom Wode en okobo ni
“Kom me, locci, yin Obaŋa, bino perakino odoco,
i locci yin i ŋolo kop atira,
9Yin imaro kite atir, yii dag tim arac;
mannono omio Obaŋa, ame en Obaŋani, omi dit,
en omi yomcuny adwoŋ meicel pi woro
ame en owori kede, ame kato me owoteni oko.”
101.10-12: Jab. 102.25-27 En dok okobo ni,
“Yin Rwot i agege iketo acakki te lobo,
polo daŋ en tic me ciŋi,
11Gin bino rwenyo odoco, ento yin iperakino;
gin luŋ bino ti bala boŋo,
12ibino dologi acalo koti, obino lokogi acalo boŋo.
Ento yin ibedo ame kiti acel, omwaka ni mom bino gik,”
131.13: Jab. 110.1Obaŋa rik okobbi amalaika moro ni,
“Bed i laŋeta tuŋ cem i kabedo me kwogo,
ituno ka abino miyo okworri doko aten tyeni?”
14Kara omalaika obedo ŋagi doki? Gin luŋ obedo cunnyogo ame tio tic Obaŋa; en orogi pi konyo jo ame bino nwoŋo larre.