4
1An akobo aman ni, ale lim ka pwod en atin bedo rom aroma kede opii, kadi bed en won jami ducu. 2En koŋ bedo i te loc ogwoke kede ogwok jami mere, tuno i kare a pappere ociko. 3Wan daŋ otye amanno; i kare a wan yam pwod otino, rik wan obedo opii a jogi acon a tye ka loc i wi podo. 4Ento ka kare ikome doŋ oromo, Obaŋa te oro Wode ame dako onywalo, kun onywalo i te cik, 54.5-7: Rom. 8.15-17me wek lakoro jo a rik tye i te loc a cik, me wan daŋ lokwa odok itino me paco. 6Pien wun doŋ itino me paco, omio Obaŋa doŋ ocwao Cuny a Wode i yiwa, ame kok ni, “Aba! Pappa!” 7Kite-nono pi tic Obaŋa mom doŋ yin opii, ento atin me paco; daŋ ka yin doŋ atin paco, doŋ yin ale lim.
Par atek a Paulo tye kede pi jo Galatia
8I kare acon a mom ru iŋeo wunu Obaŋa, rik wun opii a gigi mogo a mom gin obaŋa ikomgi. 9Ento amanni doŋ iŋeo wunu Obaŋa, twara akobbi, Obaŋa doŋ neowu; itwero wunu dok cen niŋo baŋ jogi acon agoro, ame piny oloo? Piŋo dok imito wunu bedo opiigi tyen me aryo? 10Itye ka gwoko wunu nino, kede dwete, kede kare, eka kede mwakki! 11Alworo atek, ticca ame alolle kede baŋwu kara opoto piny nono.
12Omegona, akwaowu, bed wunu bala an, pien an daŋ doŋ adoko bala wun. Rik mom itimo wunu ginnoro arac baŋa. 13Wun iŋeo wunu ni, lit koma en omio arabo amut aber baŋwu tyen me agege. 14Rik mom ibwona wunu, mom iŋula wunu, kadi lit koma ceŋ okelliwu abita adwoŋ; ento iluŋyo jola wunu acalo amalaika Obaŋa, dok acalo Kricito Yecu. 15Ŋo kara a dok oŋolle i yomcunywu? An acaden ame kobo ni, Ka kono rik twerre, kono ikolo waŋwu oko, ite miyo wunu baŋa. 16Adoko dok akworwu pi kobbiwu kop ateni?
17Jo-nu diye baŋwu nono, tamgi mom beco. Gin mito ka cegowu oko, me wun ite luŋyo diye wunu baŋgi. 18Diye pi gin aber, ber i kare luŋ, ento mom ka i kare ame an atye baŋwu keken. 19Itinona, an pwod dok atye akanyo rem kedwu acalo imat kanyo rem i kare me nywal, ituno ka ocweo Kricito i yiwu. 20Onwoŋo ber atek kono atye baŋwu aman, me ate loko dwona i koppa kedwu, pien icuŋo wunu wia oko.
Carokop i kom Agar kede Cara
21Wun jo ame mito ni cik bwowu, koŋ ikobba wunu. Wun mom iwinyo wunu cik bo? 224.22: Age. 16.15; 21.2Pien ocoo ni, Iburaim rik tye awobe aryo, acel mea dako aŋeca, eka acel mea agoŋ. 23Ento wot a dako aŋeca rik onywalo i kite me kom, aco wot agoŋ rik onywalo pi cikere a rik Obaŋa ociko. 24Man akobo-ni obedo carokop. Mon aryo-ni nyuto cikere aryo. Ŋat acel oya i wi kidi me Cinai, itino ame onywalo obedo opii; dako-nu en Agar. 25Agar-ri nyuto kidi Cinai, ame tye iyi Arabia; en rom aroma i Jerucalem me kare man, pien en tye i opii, karacel kede itino mere. 26Ento Jerucalem ca ame tye i polo loye kene, en obedo totowa. 274.27: Ica. 54.1Pien yam ocoo ni,
“Leli, yin oraŋa a mom nywal;
mwoc i wer, ired i yomcuny,
yin ame rem nywal mom ogudi;
pien itino a dako oweko pol,
kato mea dako a bedo kede cware.”
28Omegona, wan ocalli Icaka, wan itino me cikere Obaŋa. 294.29: Age. 21.9Ento acalo rik i kare-naca atin ame onywalo i kite me kom owuno en ame onywalo pi Cuny Obaŋa, aman daŋ tye amanno. 304.30: Age. 21.10Ento coc a rik ocoo kobo niŋo ce? Ni, “Ryem aŋeca oko gin kede wode, pien wot a dako aŋeca mom bino leyo lim karacel gin i wot agoŋ.” 31Doŋ ba, omegona, wan mom itino a dako aŋeca, ento wan itino agoŋ.