1
Kop ame oŋolo i kom rok a cegg jo i Icrael
11.1: 2 Obak. 15.1-7; 2 Tek. 26.1-23; 2 Obak. 14.23-29Kop Amoc ame rik obedo dano acel i akina okwa-rommi me Tekoa, Kop a rik Obaŋa onyutte i kom jo Icrael i mwaka aryo ame lobo mom ru oyeŋere, i kare ame Ujjia onwoŋo abaka me Juda kede Yeroboam wot a Yoaci abaka me Icrael. 21.2: Joel 3.16En okobo ni,
“Rwot mor i Cion,
dwone mor, winyere i Jerucalem;
elet okwat bi no koko can,
wi kiddi me Karmel bi no ner,”
31.3-5: Ica. 17.1-3; Jer. 49.23-27; Jek. 9.1Rwot okobo ni,
“Pien jo Damaciko otimo bai apol,
mom doŋ abino kwanyo kop ame aŋolo i komgi;
pien gin odino Gilead
kede nyonyo apek,
4Pi mannono abino bolo mac i ot a Kajael,
maccono bino waŋo udi adoŋo me Ben-adad oko,
5Abino turo lodi dogcel me Damaciko oko,
abino tyeko jo ame bedo i lobo me Awen oko,
kede won abiro-loc me Bet-eden;
aco jo Curia abino terogi i opii i Kir”,
man kop a Rwot.
61.6-8: Ica. 14.29-31; Jer. 47.1-7; Ejek. 25.15-17; Joel 3.4-8; Jep. 2.4-7; Jek. 9.5-7Rwot okobo ni,
“Pien jo Gaja otimo bai apol,
mom doŋ abino kwanyo kop ame aŋolo i komgi;
pien gin obelo rok acel luŋ,
me wot miyogi i ciŋ jo Edom,
7Pi mannono, abino bolo mac i cel me Gaja,
maccono bino waŋo udi mere adoŋo oko,
8Abino tyeko jo a bedo Acidod oko,
kede won abiro loc me Acikelon abino dwoko ciŋa i kom Ekron,
jo Piriciti odoŋŋere bino to ducu”,
man kop a Rwot.
91.9-10: Ica. 23.1-18; Ejek. 26.1–28.19; Joel 3.4-8; Jek. 9.1-4; Mat. 11.21-22; Luk. 10.13-14Rwot okobo ni,
“Pien jo Turo otimo bai apol,
mom doŋ abino kwanyo kop ame aŋolo i komgi;
pien gin omio rok acel luŋ baŋ jo Edom,
kun mom opo gigi icikere me omego,
10Abino bolo mac i cel me Turo,
maccono bino waŋo udi mere adoŋo oko,”
111.11-12: Ica. 34.5-17; 63.1-6; Jer. 49.7-22; Ejek. 25.12-14; 35.1-15; Obad. 1-14; Mal. 1.2-5Rwot okobo ni, “Pien jo Edom otimo bai apol;
mom doŋ abino kwanyo kop ame aŋolo i komgi;
pien gin oryemo omegogi i pala lweny,
okwero kica gire ducu,
cunygi bedo waŋ nakanaka,
ogwoko inigagi at wal.
12Abino bolo mac i kom Teman,
maccono bi no waŋo udi me Bojra oko.”
131.13-15: Jer. 49.1-6; Ejek. 21.28-32; 25.1-7; Jep. 2.8-11Rwot okobo ni,
“Pien jo Ammon otimo bai apol;
mom doŋ abino kwanyo kop ame aŋolo i komgi;
pien gin oryeko yi mon a yac me Gilead,
pi medo waŋ lobogi kengi.
14Abino mo ko mac i cel me Rabba,
maccono bino waŋo udi mere adoŋo oko,
nino-nono bino bedo woo me lweny,
yamo ajuru bi no kodo atek meicel;
15abakagi obino tero oko iyi opii,
en kede rwode mere karacel.” Man kop a Rwot.