1
11: Tic 19.29; Rom. 16.23; 1 Kor. 1.14Waraga man oya i baŋ adwoŋ.
Baŋ awotta Gayo ame amaro i ateni.
2Awotta ame amaro, akwao Obaŋa me mi ibed aber i gin luŋ dok mi komi bed ayot. Aŋeo ni itye aber i cunyi. 3Abin alelo meicel i kare ame omego mogo obino kan, te miyo caden i kom kitti me ateni, kite acalo yin giri ilubo kop ateni. 4Mom tye ginnoro ame dok mia alelo atek akato winyo ni itinona tye alubo kop ateni.
Opwoo Gayo pi gwoko wele
5Dyerra ame amaro, yin agen meicel i ticci ame itiyo pi omegowa, akato mere baŋ wele ame mom iŋeo, 6ame gin omio caden i kom mar meri i nyim lwak jo oye Kricito. Tim ber ikonygi i kite a myero, i wotgi i tic Obaŋa. 7Pien gin ocako wotgi pi nyiŋ Kricito, mom ogamo ginnoro i baŋ jo a mom oye en.
8Pi mano, myero wan okony kodi Jo-nono, me wan obed otic wadgi i rabo kop me ateni.
Dioturepe kede Demetrio
9Doŋ atyeko coyo koppogo baŋ lwak jo oye Kricito, ento Dioturepe ame mito kette kene ibedo me agege i akinagi, mom oye twerra. 10Man omio ka abino, abino poyo wigi i gin ame en obedo tiyo, kun coko kop areco i koma, Mom mano keken, en kwero daŋ jolo omegowa, kun geŋo daŋ jo ame mito jologi, dok ryemogi oko i akina lwak jo oye Kricito.
11Dyerra ame amaro, kur ipotto gin arac, potto gin aber, ŋat ame timo gin aber, en dano Obaŋa; ŋat ame timo gin arac, mom ru oneno Obaŋa. 12Jo luŋ omio caden aber i kom Demetrio, anaka kop ateni obedo caden pire; an daŋ amio amanno, yin daŋ iŋeo ni caden ame amio ateni.
Amot me agikki
13Onwoŋo atye i kop apol ame myero acoyi pire, ento mom amito coyo alam kede vino. 14Atye i gen me neni oyot, eka ote bino kop waŋ i waŋ.
15Kuc obed baŋi, Owoteni omoti, Mot owotewa, ŋat acel acel i nyiŋe.