4
1Aciki i nyim Obaŋa kede i nyim Kricito Yecu ame bino ŋolo kop a jo akwo kede jo oto, dok pi dwogo mere kede pi loccere ni mano, 2rab kop Obaŋa, cuŋ iye atek i kare aber kede i kare arac, mi jo niaŋ aber, jukgi, kun idio cunyi i pwony i kare luŋ. 3Pien kare tye abino ame jo mom dok bino kanyo pwony me ateni, cite obino lubo mitgi kengi, kun ocoko opwony ame twero pwonyogi gin a gin mito winyo. 4Gin bino loko ŋegi i winyo kop me ateni, ote gak oko wirre i kop me icina. 5Cite yin ba, bed ame igwokere i kare luŋ; kanyakino ka can opoto, ti tic me rabo amut aber, cob ticci ducu kakare.
6An doŋ jo ceggi onyo remona acalo gin ame oonyo i wi keno lam; karena doŋ oromo me ya oko i kwo man. 7Aromo romo aber i lweny, acobo doŋ ŋwecca, agwoko daŋ iyee. 8Aman doŋ okano pira mot me kite atir, ame Rwot a ŋolo atir, bino miya i Nino-naca; mom baŋa keken, cite daŋ baŋ jo luŋ ame doŋ cunygi tye aparo dwogo mere.
Cik a Paulo pi jami mere mogo
9Diye atek, iru bino baŋa. 104.10: Kol. 4.14; Pile 24; 2 Kor. 8.23; Gal. 2.3; Tit. 1.4Pien Dema doŋ oweka oko pi maro jami me wi lobo-ni, owoto gire oko i Tecalonika, Kurecen owoto i Galatia kede Tito i Dalmatia. 114.11: Kol. 4.14; Pile 24; Tic 12.12, 25; 13.13; 15.37-39; Kol. 4.10Luka kene en a doŋ tye baŋa kan. Bin wun i Marako, pien en ber meicel i konya. 124.12: Tic 20.4; Ep. 6.21-22; Kol. 4.7-8Tukiko an aoro oko i Epeco. 134.13: Tic 20.6Ka ibino, kella boŋo apek a rik aweko i Teroa tuŋ a Karpo. Kwokka daŋ bukena, akato mere maca me lao ca. 144.14: 1 Tem. 1.20; Jab. 62.12; Rom. 2.6Alegejanda atet mola otima cucu; Rwot bino cule pi timmere-nono. 15Yin daŋ myero igwokere i kom lonnono, pien en rik opyem i kopwa atek ateka. 16I pidona me agege, dano moro ocuŋŋa obedo mom. Jo luŋ oriŋo oweka oko. Obaŋa myero mom kwan man i wigi. 17Cite Rwot Ocuŋ i laŋeta, eka te miya teko me tuco kop kakare, me Orok luŋ winy; olara amannono i dog eŋato. 18Rwot bino konya iya oko i gin luŋ arac, kun lara me atun i loccere me polo. Kwogo bed baŋe nakanaka. Amen.
Amot me agikki
194.19: Tic 18.2; 2 Tem. 1.16-17Motta Puricika gin kede Akwila, kede jo me ot Oneciporo. 204.20: Tic 19.22; Rom. 16.23; Tic 20.4; 21.29Lacito rik odoŋ i Korinti; Turopimo aweko two i Mileto. 21Diye atek me itun ame kare me koyo mom ru ocakere. Yubulo omoti, anaka atot Pudente kede Lino, kede Kulaudio, karacel kede omegiwa luŋ.
22Rwot bed kedi i cunyi. Winyo mere bed kedwu.