3
Otic me cikere anyen
1Wan dok ocako dworre kenwa? Onyo ca omito waraga me dworo wa baŋwu, on yo balo ame icoo wunu? 2Wun ikomwu ibedo wunu waraga me dworowa, ame ocoo i cunywa, ame jo ducu twero ŋeyo kede kwano. 33.3: Yaa 24.12; Jer. 31.33; Ejek. 11.19; 36.26Wun daŋ doŋ inyuto wunu oko ni ibedo wunu waraga ame oya i baŋ Kricito, ame wan okelo. Pe ocoo kede bwino, pe ocoo i kom kidi; cite ma ka kidi, Kricito ocoo i yi dano kun coo kede Cuny Obaŋa akwo.
4Gin omio akobo amannono, pien ojeŋere atek i kom Obaŋa pi Kricito. 5Wan ikomwa mom oromo kobo ni ginnoro oya i baŋwa; tekowa luŋ oya ibaŋ Obaŋa. 63.6: Jer. 31.31En daŋ ame omiowa oromo bedo otic me cikere mere anyen, pe me cik ame ocoo acoa, cite me Cuny; pien gin ocoo acoa kelo to, ento Cuny Acil kelo kwo.
73.7: Yaa 34.29Cik a rik ogoro kede nukuta i kom kidi apaa ame ticcere kelo to, rik obino kede kwogo, omio neno waŋ Muca te loyo jo Icrael oko pi acara me nyim Muca, ame en acara-nono te rwenyo oko. 8Eyo, tic a Cuny Obaŋa, kwogo mere mom bino kato maca atek ateka? 9Pien ka tic a mio kop loo jo tye kede kwogo, kara tic a kela kwano jo ni kitegi atira kwogo mere mom doŋ kato maca oko? 10Aman gin a yam tye kede kwogo doŋ odoko gin a mom tye kede kwogo kadi acelloro, pi kwogo ocele a doŋ kate atek ate ka. 11Pien ka gin ame obin orwenyo oko obino kede kwogo, gin a ri myero doŋ bed i kwogo akato.
12Pien wan otye kede kodi gen man, en omio okobo kede tekcuny. 133.13: Yaa 34.33Mom dok ocal i Muca a rik owumo waŋe i boŋo, me jo Icrael kur nen kite ame acara arwenyo kede i waŋe, te tum oko. 14Cite onwoŋo tamgi rik owumere oko; anaka tin tamgi pwod owumere i kite acellaca ka akwannigi cikere acon, pien awummaca twero kwanyere ka pi Kricito keken. 15Naka i kare a tin-ni ka okwannigi cik a Muca, awum pwod bedo kakare, wumo tamgi oko. 163.16: Yaa 34.34Cite ka dano moro-ni olokere baŋ Rwot, awummaca walakino oko. 17Rwot ame okobo kan-ni en Cuny Acil; kan a Cuny Rwot tye iye, kuno kuc daŋ tye iye. 18Kede wan luŋ ame awum doŋ okwanyo oko i waŋwa otye acalo araŋ ame mio kwogo a Rwot nen acalo acara cen, omio otye ka lokere doko calo en, kun kwogo mere medde ameda i komwa; mannono tic a Rwot, ame en Cuny Acil.