5
Kop ame oŋolo i kom tim me coco
15.1: Lodo 22.30Kop owinyere baŋa ni timmoro me coco tye i akinawu. Tim me coco-nono mom gire nen anaka iyi akina jo a mom ŋeo Obaŋa, ni tye dano moro ame omao ci-pappere. 2Daŋ pwod iwakere wunu giwu! Mom daŋ ikumo wunu me ŋat otimo kodi timmono ryem oko i akinawu? 3An i tuŋ baŋa, kadi koma mom tye kuno, cunya tye kuno; an acalo ŋat ame tye kuno doŋ atyeko ŋolo kop oko i kom lon otimo tim arac-cu. 4Myero icokere wunu karacel 1 nyiŋ Rwotwa Yecu, kun nwoŋo an daŋ atye kedwu i cuny kede teko a Rwotwa Yecu. 5Eka ite miyo wunu dano acalo man baŋ Catan me nek kome oko, me cunye te larre i nino a Rwot. 65.6: Gal. 5.9Awakawu mom ber. Mom iŋeo wunu ni tobi aduno romo yenyo ogati alutu? 75.7: Yaa 12.5Kwanyu tobi acon oko, me ibed wunu aŋina ogati anyen; iyi ateni mere tobi gire mom i komwu. Pien atin romowa me Kato doŋ oŋolo oko, en Kricito. 85.8: Yaa 13.7; Lodo 16.3Myero doŋ mom okwer wunu ecuban i tobi acon, en tobi me raccuny kede timmogo areco, ento okwer wunu kede ogati a tobi mom iye, ame en ler yic kede ateni.
9Rik acoyiwu iyi waragana ni mano, kur inotte wunu i jo a timo tim me coco. 10Mom onwoŋo akobo jo a timo tim me coco me lobo-ni, onyo oworo me jami, kede oyak, onyo owor cal jogi; pe pire; pien ka amanne myero iyau oko i lobo. 11Iyi ateni mere acoyiwu ni kur inotte wunu i ŋattoro ame olwoŋo ni. Akricitayo, ka en otimo tim me coco, onyo en aworo me jami, onyo awor cal jok, aŋar ayet jo, amero, aŋar ayak; kur daŋ icem wunu i kodi dano-nu. 12Kom mannono mom ticca me ŋolli jo a mom oye Yecu kop. Obaŋa en abino ŋolligi kop. Wun myero iŋolli wunu jo a tye i akinawu kop, mom amannono? 135.13: Lodo 13.5; 17.7 Ryem wunu dano arac-cu oko i akinawu.