16
Lim ame orao me konyo jo Obaŋa
116.1: Rom. 15.25-26Aco kop a mako rayo lim me konyo jo Obaŋa: kit a rik aciko lwak oye Kricito me Galatia ni oti, wun daŋ tim wunu amannono. 2Nino a geo me cabit acel acel, dano acel acel i akinawu myero pok limmogo ket pat, kun lubo kit a en nwoŋo, eka te kano, me kur ra limwu i koma, a doŋ an abino. 3Ka en atuno abino cwayo jo ame wun iyero wunu me wot tero motwu i Jerucalem, kun amiogi waraga. 4Aco ka ce nen ni ber an daŋ iwot, gin bino wot karacel keda.
Yik apapat
516.5: Tic 19.21Abino tuno baŋwu a doŋ awoto abeo i Makedonia, pien abino bea i Makedonia. 6Gwok onyo abino dikere baŋwu pi kare mogo, aŋar onyo pi kare me koyo ducu, me ite konya wunu i wotta kan ame abino dok wot iye. 7Pien mom amito nenowu me i malo malo; ageno ni abino bedo baŋwu kare alalac, ka Rwot oye. 816.8: Olev. 23.15-21; Lodo 16.9-1116.8-9: Tic 19.8-10Ento abino bedo i Epeco ituno i kare me Pentekote, 9pien doŋ oyabba yo alac me tiyo tic atek, dok jo a geno tic pol.
1016.10: 1 Kor. 4.17Ka Temoteo obino, nen wunu ni en obedo baŋwu aboŋo Iworo moro, pien en daŋ tio tic a Rwot bala an ikoma, 11ŋattoro mom myero cac, ento konye wunu me ewot i kuc, me tun baŋa, pien akure kede omegowa.
12Kop i kom ominwa Apolo, rik akwae meicel ni koŋ tun baŋwu, karacel kede omego ocele, en mom te mito bino kadi acelloro, i kare-ni; cite doŋ bino tuno ka ce en onwoŋo kare aber.
Kwac me agikki baŋŋi kede amot
13Kiu piny, cuŋ wunu ikiŋ i kom iyeewu, bed wunu co ikome, bedu kede teko. 14Gin itimo wunu ducu, tiu kede mar.
1516.15: 1 Kor. 1.16Akwaowu ba, omegona. Iŋeo wunu Citepana kede jo ame i ode, ni gin jo ame ogeo doko Okricitayo i lobo Akaya, daŋ gin omiye kengi i tic pi jo Obaŋa. 16Doŋ wun daŋ ba, myero iwiny wunu kodi jo-nono, kede jo ocele luŋ ame lolle kun otio karacel kedgi. 17An cunya yom i bino a Citepana gin kede Portunato kede Akaiko, pien gin ocuŋ akakarwu. 18Gin doŋ odwoggo cunya, kede cunywu daŋ. Kodi jo-nono myero itamu pirgi.
1916.19: Tic 18.2Lwak jo oye Kricito luŋ a tye i Acia omotowu. Akwila kede Puricika omotowu atek i Rwot, karacel kede lwak cokere jo oye Kricito a i otgi. 20Omego luŋ omotowu. Motte wunu kenwu kenwu kede amot acil me mar.
21An Paulo amotowu i coc me ciŋa. 22Ŋat a mom maro Rwot myero cen oko. Biye Rwotwa! 23Winyo a Rwotwa Yecu bed kedwu. 24Mar mera bed kedwu luŋ i Kricito Yecu. Amen.