1
Okuhangwa kw’ebintu
11:1: Heb 1:10; Kol 1:16; Heb 11:3; Kush 4:11. Omu kutandika Ruhanga akahanga eiguru n’ensi. 21:2: Yoh 8:12. Ensi ekaba etari mu buteeka, kandi erimu busha; omwirima gukaba gushwekire amaizi maingi, kandi Omwoyo wa Ruhanga akaba naagyendagyenda ahaiguru y’amaizi. 3Ruhanga yaagira ati: Habeho omushana. Omushana gwabaho. 4Ruhanga yaareeba omushana guri murungi; yaataanisa omushana n’omwirima. 51:5: Zab 74:16. Ruhanga yaayeta omushana Nyomushana, n’omwirima yaagweta Nyekiro. Bwaira, bwasheesha, kyaba ekiro ky’okubanza.
6Ruhanga yaagira ati: Habeho omwanya ahagati y’amaizi, gutaanise amaizi n’agandi. 7Ruhanga yaataho ogwo mwanya, gwataanisa amaizi g’ahansi yaagwo n’ag’ahaiguru yaagwo. Kyaba nikwo kyaba. 8Ruhanga yaayeta ogwo mwanya Eiguru. Bwaira bwasheesha, kyaba ekiro kya kabiri.
91:9: Yob 26:10; Zab 95:5. Ruhanga yaagira ati: Amaizi g’ahansi y’eiguru gaateeranire omu mwanya gumwe, eitaka rireebekye. Kyaba nikwo kyaba. 10Ruhanga yaayeta eryo itaka Ensi, n’eiteeraniro ry’amaizi yaaryeta Enyanja. Ruhanga yaareeba kiri kirungi. 111:11: Heb 6:7. Ruhanga yaagira ati: Ensi emere ebirikumera, ebirikwera enjuma, kandi n’ebiti ebirikwana ebijuma, ebirimu embibo, buri kimwe omu muringo gwakyo. Kyaba nikwo kyaba. 12Ensi yaamera ebirikumera, ebirikwera enjuma omu miringo yaabyo, n’ebiti ebirikwana ebijuma ebirimu embibo, buri kimwe omu muringo gwakyo. Ruhanga yaareeba kiri kirungi. 13Bwaira, bwasheesha, kyaba ekiro kya kashatu. 141:14: Zab 74:16. Ruhanga yaagira ati: Habeho ebirikwaka omu mwanya omu iguru, bitaanise nyomushana na nyekiro; kandi bibe eby’okumanyisa obunaku n’ebiro n’emyaka; 15bigume byakye omu mwanya omu iguru, bibone kwakira ensi. Kyaba nikwo kyaba. 16Ruhanga yaakora ebirikwaka bihango bibiri, ekirikwaka ekihango okutegyeka nyomushana, kandi ekikye okutegyeka nyekiro; kandi yaakora n’enyonyoozi. 171:17: Zab 8:3. Ruhanga yaabita omu mwanya omu iguru okujwera ensi. 18N’okutegyeka nyomushana na nyekiro, kandi n’okutaanisa omushana n’omwirima. Ruhanga yaareeba kiri kirungi. 19Bwaira, bwasheesha, kyaba ekiro kya kana.
20Ruhanga yaagira ati: Amaizi gaijure ebirikwegyendesa ebiine amagara, kandi n’ebirikuguruka bigurukye ahaiguru omu kaabunga. 21Ruhanga yaahanga 1:21 emigoye n’eby’enyanja ebirikukira byona obuhango. emigoye mihango, n’ebirikwegyendesa byona ebiine amagara, ebi amaizi gaazaire omu miringo yaabyo, n’ebirikuguruka byona ebiine amapapa omu miringo yaabyo. Ruhanga yaareeba kiri kirungi. 22Ruhanga yaabiha omugisha, naagira ati: Muzaare, mukanye, mwijure omu maizi g’omu nyanja, kandi n’ebirikuguruka bikanye omu nsi. 23Bwaira, bwasheesha, kyaba ekiro kya kataano.
241:24: Zab 104:18-23. Ruhanga yaagira ati: Ensi ezaare ebiine amagara omu miringo yaabyo, amatungo n’ebirikugyendesa enda n’enyamaishwa z’omunsi omu miringo yaabyo; kyaba nikwo kyaba. 25Ruhanga yaahanga enyamaishwa z’omu nsi omu miringo yaazo, n’amatungo omu miringo yaago, n’ebirikwekurura ahansi omu miringo yaabyo; Ruhanga yaareeba kiri kirungi.
Okuhangwa kw’omuntu
261:26: Zab 8:6. Ruhanga yaagira ati. Katuhangye omuntu omu muringo gwaitu, ashushane naitwe; bategyekye eby’omu nyanja, n’ebirikuguruka omu mwanya, n’amatungo, n’ensi yoona, na byona ebirikugyendesa enda ahansi. 271:27: Kol 3:10; Mat 19:4. Ruhanga yaahanga omuntu orikumushusha; omu kushusha kwa Ruhanga yaaba nimwo yaamuhangira; yaahanga omushaija n’omukazi. 281:28: Zab 128:3, 4. Ruhanga yaabaha omugisha, kandi yaabagira ati: Muzaare, mukanye, mwijure ensi, ebe eyaanyu; mutegyekye eby’omu nyanja, n’ebirikuguruka omu mwanya, na byona ebiine amagara ebirikwegyendesa ahansi. 291:29: Zab 104:14, 15; Byak 14:17. Ruhanga yaagira ati: Reeba, naabaha ebirikumera byona ebirikwera enjuma, ebiri omu nsi yoona, n’ekiti kyona ekirikwana ebijuma ebirimu embibo; bibe eby’okurya byanyu. 30Kandi enyamaishwa zoona ez’omu nsi, n’ebirikuguruka byona eby’omu mwanya, n’ekintu kyona ekirikugyendesa enda, buri kintu kyona ekiine omwitsyo, naabiha ebirikumera byona ebibisi, bibe eby’okurya byabyo. Kyaba nikwo kyaba. 311:31: Zab 104:24. Ruhanga yaareeba byona ebi ahangire; kandi reeba, bikaba biri birungi munonga. Bwaira, bwasheesha, kyaba ekiro kya mukaaga.